Eskolako behaketa astean, zein ikaskuntza-irakaskuntza mota gertatzen den behatu behar izan genuen. Proiektuka lan egiten duten edo fitxak egiten dituzten, etab. Bestetik, klasean, ikaslearen rola behatutako kasu bakoitzaren arabera nolakoa den ikusi dugu: aktiboa edo pasiboa, hartzailea edo eraikitzailea,... Irakaslearen rolari dagokionez, ordea, zigorra edo sariak erabiltzen dituen. Zigorrei dagokionez, zigorra ez duela zertan zerbait txarra izan behar ikusi dugu, haurra ikasteko erabiltzen daitekeela ere, zuzentzeko alegia. Adibidez, ikusitako oso kasu argi bat izan da, haurrari patio garairik gabe uzteari egindako aipamena. Kasu honetan, haurrak aktibotasuna behar dute, hainbeste denbora eserita pasa ondoren, hortaz, atseden tarte hori kentzea zigorra izango litzateke dudarik gabe. Ildo horretatik, zigorrak eta neurri hezitzaileak bereizi behar ditugula ikusi dugu. Baita ere, errepikapena oso garrantzitsua dela izenak edo egitura gramatikal oso konkretu batzuk ikasteko adibidez. Behatutako eskola gehienetan imitazioa ugari erabiltzen dutelaz ohartu gara. Irakasleak leihakortasuna sustatzen duen kasu batzuk ere aipatu ditugu. Sustatzen den ezagutza motari dagokionez, jarrerazkoa atera da gehien bat, hau da, elkarren arteko laguntza. Izan ere, behaketa aste bakarrekoa izan denez, seguraski ez dugu aukerarik izan gauza asko behatzeko. Aurrerago, metodologiaren inguran hitz egin dugu: nola egiten duten lan, denboraren kudeaketa nolakoa den, zein baliabide material erabiltzen dituzten... Behatutako eskola askotan txokotan lan egiten dutela ikusi dugu. Azkenik, ebaluazioaren inguruan hitz egin dugu. Ebaluazioa, normatiboa, kriteriala, kuantitatiboa, kualitatiboa, bukaerakoa edo sumatiboa, ebaluazio jarraitua eta hasierakoa edo diagnostikoa izan daitekeela ikusi dugu. Irakasleak termino hauek azaldu dizkigu. Klasearekin amaitu aurretik, irakasleak, aurretik aipatu izan dugun askatasun kontzeptuari lotutako galdera bat egin digu: Aske izan edo nahi dudana egin zein alde dago? Ateratako erantzunak ondorengoak izan dira: Pertsona bat aske izateko, aukera ezberdinak izan behar ditu. Elkarrekiko errespetua egon behar du aske izateko, bestetik, enpatia, lankidetza, elkarbizitza, konpromezua, helburu komunak,... Gaurko saioan ikasi dut, eskola batean egoera ugari eta ezberdinekin aurkitu gaitezkeela, beraz, oso garrantzitsua dela arreta handiz behatzea. Eta ikusten duguna kontuan izatea irakasle garenean nola jardun behar dugun eta nola ez argi izateko.
iruzkinik ez:
Argitaratu iruzkina